قصيدة للشاعر | عادل فضل الوعلاني
فريده نادره مامثلها في أي ديره
جميله في الرشاقه واللطافه تذهل الالباب
بديعه في اناقتها وطلتها مثيره
خذت عقلي برقة طبعها والمنظر الخلاب
بتتميز على من حولها مثل الاميره
اصيله لو تنادي من نداها كل عاصي جاب
فياكم طفت في الدنيا وشفت اشياء كثيره
وشاهدة المحاسن والجمال الفائق الجذاب
وهذه حسنها بين الملى ماشفت غيره
وصايف حسنها تعجز على الشعار والكتاب
لها عين المهاء من شافها يمسي بحيره
يبات الليل يذكر عينها والنون والاهداب
رجف قلبي لها والروح سابتني وطيره
وولع حبها مكريب يمسي داخلي لهاب
وخلتني كما المجنون وفي حاله خطيره
فلا بالعيش اتهنى ولا المشروب ليه طاب
الا ياكم ليالي باتت اعياني سهيره
وياما دمعي المدراب يمسي عا لوجن سكاب
هواها قد بنى في دم اوردتي جزيره
وفي وسط السويداء حبها الصافي بناء محراب
عيون الناس في سمرا وعيني في سميره
بها باموت واحياء وافتدي بالمال دون احساب
وبافدي باخوتي واولاد عمي والعشيره
وابذل كل غالي لاجلها واسترخص الاصحاب
تهون الروح لاجلش ياضياء الشمس المنيره
ونفنى لاجل تبقي شامخه يامطلب الطلاب
((عـــــــــدن )) من يجهلش او ينتسي للام صيره
ومن ينكر محاسن منظرك ياملتقى الاحباب
حماش الله من ماتفعل الناس الحقيره
وصانش من عيون اهل الحسد واوقاش من لغراب
